قار ، خزان فصلینده
تصاویری از اولین برف پاییزی در بزوجیق ، چهارشنبه چهاردهم آبان 1393/8/14 :
خزان چاغی/ قیزیل گونش اودلانیبدیر
آغاجلارین یارپاقلاری / مینبیر رنگله بویانیبدیر…
هر یارپاغین بیر رنگیوار
سودا رنگی/ حسرت رنگی/ توتغون،توْزلو/ غربت رنگی…
خزان چاغی، یئل اسرکن / یاغیر یارپاق
اؤلگون یارپاق / قالانیبدیر قالاقـ قالاق
یوللار اوزاق، گؤللر دهرین/ نسیم اسیر سرینـ سرین
داغلار بیزیم ، باغلار سیزین/ یئرییرکن یارپاق اوسته/ قالماز ایزین…
گون یاندیرماز! / سون باهاردیر
سانکی آغاج یارپاقلاری / لاجوردی بیر متنده/ ناققیشلاردیر…
بیرچوخ خزان گلیب، کئچدی…/ بیرچوخ کروان قوْنوب کؤچدو
بیر خزاندا / یئتیم قالدیق
بیر خزاندا / سئودالاندیق
بیر خزاندا / آلوولاندیق
أن نهایت / خولیالارین هاواسینا / قانادلاندیق.
بیر خزاندا پارلاق قیزیل گونش دوغدو
بیر خزاندا/ بولود گلیب گونو بوغدو…
آتلادارکن خزانلاری / زامان بیزی قووالادی…
گلدی زامان، کئچدی زامان/ آیری دوشدوک یوردوموزدان
قالدیق سرینـ سرین بولاقلارا/ گولـ چیچکلی اوتلاقلارا …
زامان کئچدی، بیز قورودوق/ سوسوز قالان آغاجلار تک
طراوتدن سالدی بیزی / بیلمم غربت؟… / بیلمم فلک؟
** حبیب ساهر **
تصاویر بیشتر در ادامه مطلب ...
کونلومون سوگیلی محبوبی منیم